Kendeskiñ eo anv kevredigezh studierien an «Diplom Studioù Keltiek». Kinnig a ra d’an dud e-kerzh ar bloaz en em gavout evit abadenn pe abadenn digor d’an holl diwar-benn un danvez pet unan all bet studiet er c’hentelioù. A-hed ar bloavezh e vez degemeret gant Kendeskiñ an dud a faot dezho gouzout hiroc’h a-zivout an D.S.K.

Consulting Informatique

Kevredigezh gant he fal diorren ar brezhoneg ha sevenadur ar vro. Kentelioù brezhoneg liesseurt ‘vez aozet diouzh live ar stajidi. Aozet e vez ivez darvoudoù a bep seurt e-kerzh ar bloavezh : kaozeadennoù, baleadennoù, diskouezadegoù, stajigoù, abadennoù, prezegennoù… da bleustriñ asambles. Lec’hiet e Molan, ar gevredigezh a zegemer tout an dud a ra gant sevenadur ar vro.

Bodad kevredigezhioù sevenadurel Breizh Bro Kemperle

Mouezh Bro Konk zo eur lazh-kana staliet ba Konk (kerné)ha ren’t ga Didier Dréo soner gitar brud’t ken-ken. Vê ket kan’t med kanaouennou bré’oneg , engounel ( kantikou, da zansal….) pé sa’et braw ga Didier Dré pevar pulpitr ‘maomp renket : soprano, alti, tenor ha boud Kontan véfen da zigemer tud a téfè da gano ganomp . Jos Goapper vit Mouezh Bro Konk

Mouezh Bro Konk zo ul lazh kana a gan med kanaouennou bré’oneg ba Konk Kerné ha kaset àr raok ga Didier Dréo Klask àrlec’h tud ‘maomp, paotred ha meried a téfè da gano gamomp

Mouezh Bro Konk zo eur lazh-kana staliet ba Konk (kerné)ha ren’t ga Didier Dréo soner gitar brud’t ken-ken. Vê ket kan’t med kanaouennou bré’oneg , engounel ( kantikou, da zansal….) pé sa’et braw ga Didier Dré pevar pulpitr ‘maomp renket : soprano, alti, tenor ha boud Kontan véfen da zigemer tud a téfè da gano ganomp . Jos Goapper vit Mouezh Bro Konk

notenn deknikel: an hini bet prennet gantañ ar c'hilometrad-mañ ne vo ket war an dachenn evit redek. E koun Paul FORLAY, anavezet mat e bro C'hourin hag aet da anaon e dilost 2020. Bez e oa eñ, kredapl braz, an hini diwezhat bet o labourat e -pad ur prantad, da heul an eil brezel bed, e maen-gleuz bro C'hourin (Gernanig), e kreiz menezioù du. Bet e oa bet ivez o trivroañ e Stadoù-Unanet (New-York) e-pad un dek bloavezh bennaket, a-raok distreiñ d'ar vro. Hag, a-benn ar fin, liammet e oa bet ouzh kevredigezh kastell Tronjoli. Dornet mat e oa eñ hag ur micherour ampart war ar c'hoad.

Mat eo deskiñ ar yezh evel-just met da gentañ tout e servij ur yezh da gomz gant tud all.Ti Ar Brezhoneg a ginnig deoc’h kejanñ gant brezhonegerien all, tro-dro oberiantizoù liesseurt evel predoù, baleadennoù, prezegennoù, c’hoarioù, an holl e brezhoneg penn-da-benn!

E-KÊR a zo ur gevredigezh deus ar Vro Vigoudenn. An tremenadur energetek eo he fal. Asambles gant 4 gevredigezh all e Breizh he deus krouet E-KÊR an embregerezh keodedel KERWATT evit produiñ tredan gant panelloù fotovoltaikel. Pep hni a lako 50€ e KERWATT a broduo tredan nevezadus e Breizh. Amañ e Kloar emañ ar greizenn fotovoltaikel kentañ e Bro Gerne a produ tredan abaoe ur bloaz. E-KÊR a labour ivez war an daspunadur dour glav ha buheziñ er skolioù. Labourat a ra E-KÊR evit ar madoù boutin gant ur spered loderezh ha unaniezh.

Abaoe 2003 (daou vil tri) emañ ar webmedia ABP (Agence Bretagne Presse / Ajañs Breizh Keloù) o skignañ keloù diwar-benn Breizh. Dre he c'hevrenn e brezhoneg he kemer perzh e diorren ar yezh war dachennad an nevezenti. Ar pedervet gwech eo ma kemero perzh er Redadeg he fenn-rener ha diazezer, Philippe Argouarc'h ec'h añv, dezhañ 72 (daouzek ha tri-ugent) vloaz. Evit poent, emañ-eñ o teskiñ brezhoneg dre ar gevredigezh Mervent.

Setu ganeomp Heloïse ar Rouz a zo er rummad brezhoneg er c’hentañ klas el lise Brizeux e Kemper. Douget he doa ar vazh test dija war ar vag Korentin pa oa loc'het ar Redadeg eus Kemper e 2018. Emañ ganeomp gant he breur Guillaume, he c'henderv jenlain, ha div vignonez eus Bro Ukrainia Inna ha Yulia o deus kavet bod e Loktudi.

Kehentiñ niverel e brezhoneg. D'an artizaned, kenwerzherien, EBT / EBE : mankout a ra deoc'h an amzer pe n'ouzoc'h ket penaos lakaat hoc'h embregerezh war-wel ha bezañ efedus a-drugarez d'ar rouedadoù sokial ? Gallout a ran ho sikour dre prantadoù ambroug pe merañ kumuniezh evit gwellaat ho pezañs dijital.

Loeiz, bigouter anezhañ a zo ur brezhoneger eus a re wellañ hag un den a skoazell ar Redadeg ingal, bewech e vez prenet gantañ 10 km evit ar brezhoneg. Trugarez vras dezhañ , o redek a greiz kalon evitañ !

Loeiz, bigouter anezhañ a zo ur brezhoneger eus a re wellañ hag un den a skoazell ar Redadeg ingal, bewech e vez prenet gantañ 10 km evit ar brezhoneg. Trugarez vras dezhañ , o redek a greiz kalon evitañ !

Ur gevredigezh eo MERVENT bet savet e 1994 gant aozadurioù hag a gas ar brezhoneg war-raok evit micherelaat ar c'helenn brezhoneg d'an dud gour war tolead Kernev. Evel m'eo meneget en he reizhennoù : « Ar gevredigezh eo he fal kenlabourat da ziorren ar c'helenn brezhoneg hag an ober gant ar yezh dre an holl doareoù a zere ». Obererezh Mervent zo 5 domani pennañ anezhañ: • Kelenn an dud gour war ar brezhoneg er c'hentelioù kevredigezh pe er c'hentelioù « evit ar blijadur ». • Ar stummadurioù hir ha stank diouzh ar yezh vrezhonek e stumm stajoù 6 ha 3 miz. • An enhentañ d'ar brezhoneg er skolioù pubik kentañ derez e Penn-ar-Bed. • Ar stummañ dibaouez diouzh ar brezhoneg er strollegezhioù bro, en embregerezhioù privez. • An divorfilañ d'ar brezhoneg en aozadurioù evit ar vugaligoù. Hor pare implijidi zo un ugent kelenner oc'h ober anezhi hag a vez o vont bemdez gant an hent war tolead Kernev en e bezh, eus ar C'hab-Sizun da Gemperle ha eus Kraozon da Garaez.

Ne ya ket buhan a-walc'h kresk niver ar skolioù brezhoneg (stanket an hent evit Diwan, youl ebet da vont war-raok gant ar skolioù katolik, deskadurzh publik o stardañ par ma c'hell)

Redek a reomp abaoe hor bugaleaj evit yezh hor bro, yezh omp kerent kaer hag sevenadur Breizh. Ret eo stourm evit hor yezh hag a enep disoc'h seziz ar c'huzul vonreizh hag a lavar eo Diwan enepbonreizhel ! Hag evel ma lavare Angela Duval "Met 'drokfen ket evit teñzorioù, Va Bro, va Yezh ha va Frankiz". A-benn disadorn e Gwengamp !"

Laouen tre emaoñ kemer perzh ar redadeg e Ploeneg pelec'h emaoñ o chom bremañ. Matre eo al labour an ti-kêr gant ar Brezhoneg !"

INIZI a ginnig ur c'houlzad sevenadurel war inizi ar c'huzh-heol (eus Chausey e Normandi betek Aix e Charente Maritime), gant un darvoud bep miz etre miz Here ha miz Even. Aozañ a ra ivez raktresoù sevenadurel gant ar skolidi hag ar skolajidi. Dibaoe 2015 e kemer perzh INIZI e aozadur Les Insulaires, ur gouel-meur hag a vod ennañ tud an INIZI, gant sonadegoù, prezegennoù, kentrivadegoù sportour ...

KALYB : Kenstrollad an Arzoù Leurenn e Yezhoù Bro krouet e 2019 e Rodez. Bodañ a ra ar c'hompagnuniezhoù amatour hag a vicher e yezhoù minorelaet Bro C'hall. C'HOARIVA : Kengevredigezh hag a vod ar strolladoù c'hoariva amatour hag a vicher e Breizh 5 departamant.

Adlañset eo bet karta Ya d'ar brezhoneg gant Ti-kêr Douarnenez : – Dibaoe 2021, pa vez pellgomzet d'an ti kêr e vez klevet brezhoneg a drugarez d'ar servijer komz divyezhek. – Holl skritelloù ha pedadennoù d'an darvoudoù sevenadurel a zo divyezhek. – En Dz Mag, kannadig an ti-kêr savet gant ar servij kehentiñ, e vez kavet pennad stur an itron vaerez e galleg hag e brezhoneg. Ar mizh-mañ e c'heller lenn ivez ur pennad skrid diwar benn tud o teskiñ brezhoneg. Ar pennad mañ a c'heller kavout e brezhoneg ivez war lec'hienn internet an ti kêr. – Meur a wech e bet klevet atersadennoù e brezhoneg war Radio Kerne ha France Bleu Breizh Izel evit kinnig darvoudoù sevenadurel aozet gant an ti kêr. – Ha bremañ eo divyezheg logo an ti kêr. – Er porzh mirdi e vez kinniget abadennoù kenaozet gant Emglev Bro Douarnenez. Da skouer eo bet kanet e brezhoneg da vare nozwezh ar mirdioù d'ar 14 a viz Mae. – Gant Kumuniez kumunioù Bro Douarnenez eo bet kinniget stumadurioù evit gwazourien kumunioù Douarnenez Kummuniezhag un nebeud eus outo a heulio un tanva eus ar yezh evit kregiñ.

Brudañ ha skignañ ar sinema hag ar c’hleweled e Breizh (e galleg pe e brezhoneg) en ur aozañ abadennoù-filmoù, troiadoù, prantadoù dewelet. Kuzuliañ a ra Daoulagad Breizh war ar programmiñ filmoù Breizh a-hiziv ar re a ra war-dro salioù sinema, mediaouegoù, kreizennoù sevenadurel, skolioù, festivalioù…

Krouet e oa bet kevredigezh Emglev Bro Douarnenez e 1996. Bodet e vez enni kevredigezhioù ha tud eus Bro Douarnenez c’hoant gante lakaat war wel ha eskemm war ar brezhoneg ha sevenadur Breizh gant ar muiañ niver a dud, bras ha bihan, kozh ha yaouank. C’hoariva, sinema, sonerezh, dañs, lennegezh, natur, keginañ… pep tra zo talvoudus, atav pa vez plijadur, evit dizoloiñ, kregiñ barzh, mont donoc’h, pe tra ken bevañ yezh ha sevenadur ar vro.

Un ti-embann bet krouet e 1999 eo Bannoù-heol. Kinnig a ra levrioù evit ar vugale dreist-holl. E 2018 e oa bet embannet ur levr-CD kentañ anvet "Kan ar Bed". E fin ar bloaz e teuio un eil anvet "Ar Marc'h Dall ar wech-mañ".

KELENN, Ensavadur Meur a Stummadur Pedagogel - Daou stummadur war al lec'h a vez kinniget gant KELENN, ar stummadur hir e brezhoneg war 9 miz hag ar Master MEEF-EBI (kelenn divyezhek dre soubidigezh). Aozet e vez ivez gant KELENN ar stummadur kentañ evit an eil derez hag ar stummadurioù dibaouez evit skolaerien, kelennerien ha gopridi skolioù Diwan : - STUMMADUR DIBAR « DESKIÑ BREZHONEG EVIT MICHERIOÙ AR C’HELENN EN HOLL SKOLIOÙ DIVYEZHEK » : Ar stummadur-se zo evit ar re a zo e-soñj da vont war micherioù ar c’helenn er skolioù divyezhek brezhoneg-galleg, kentañ derez hag eil derez, ha n'eo ket uhel a-walc’h o live brezhoneg hag ivez d’an deraouidi. Ur plas bras a vez roet d’an deskiñ brezhoneg hag ivez d’ar c’helenn danvezioù-skol e brezhoneg. 5 sizhuvezh staj er skol. Padout a ra 9 miz. (eus miz Gwengolo betek miz Mae). Profil c’hoantaet : den c’hoant gantañ labourat en ur skol divyezhek war micher pe vicher. Live brezhoneg : deraouat pe re izel diouzh ar vicher vizet. - MASTER MEEF-EBI : stummadur diazez skolaerien kentañ derez Diwan eo, 3 lodenn bennañ oc'h ober anezhañ, unan da wellaat ar brezhoneg, unan da gaout diazezoù micher hag an trede da bleustriñ dre stajoù e klasoù Diwan. Diazezet eo war maketenn ar Master-MEEF divyezhek kinniget gant skolioù-meur hag INSPE Breizh. Profil c’hoantaet : Aotreegezh + brezhoneg komzet ha skivet. b/ Stummadurioù all a vez kinniget e skolioù, skolajoù, liseoù Diwan hag e Kelenn : - STUMMADUR KELENNERIEN HA KASOURIEN NEVEZ EN EIL DEREZ DIWAN : Kelennerien nevez an eil derez, war bost en unan eus ar 6 skolaj pe an 2 lise Diwan o devez da heuliañ stummadurioù (15 devezh bennak) gant Diwan ha da dapout modulennoù (didaktelezh, gweladennoù er c’hlas gant un heñcher.ez, kuzulier.ez, live brezhoneg hag ul labour klaskerezh) evit bezañ anavezet gant Eil Derez Diwan. Evit tapout ar vodulenn vrezhoneg goulennet e vez kinniget stajoù hag ur stummadur war ar brezhoneg diouzh live an dud. Kasourien : Un nebeud devezhioù stummadur a vez kinniget d’ar gasourien nevez ivez. Profil c’hoantaet : Kelennerien ganto ur Master 2 war an danvez a gelennint. C’hoant ganto da labourat gant krennarded. Kasourien - brezhonegerien, ganto ar c’hoant da labourat gant krennarded en diavaez eus an eurvezhioù kelenn, war an deiz, diouzh noz. - STUMMADUR DIBAOUEZ SKOLAERIEN HA KELENNERIEN KENTAÑ HAG EIL DEREZ DIWAN: Stummadurioù a bep seurt a vez kinniget evit sikour skolaerien-kelennerien Diwan da bleustriñ ha da vont war-raok diouzh emdroadur o micher.

Ur gevredigezh feminist divyezhek digor d'an holl eo Difenn. Stourm a ra evit gwirioù ar plac'hed hag an dud LGDTE+ evit ma teuio ar gevredigezh da vezañ kevataloc'h. Labourat a ra neuze war meur a dachenn : - stourm evit an emrenerezh korfel, sokial, ekonomikel hag all, evit an holl blac'hed hag ar re LGDTE+ - stourm a-enep ar feulsterioù korfel, revel ha moral a vez graet ouzh ar plac'hed hag ar re LGDTE+ - stourm evit ma vo anavezet an holl tuadurioù revel hag identelezhioù jener hag a-enep ar bengasoni, an homofobiezh, an treuzfobiezh, ar gouennelouriezh ha gwaskoù sistemik all

Brudet eo Bagad KEMPER hiziv an deiz evit e genlabourioù arzel ha krouadennoù sonerezh kement hag evit e ditloù a gampion Breizh, daou benn d'ur vazh a vez bevet war an-dro gant izili ar strollad, hag ur c'hempouez a-bouez evit treuskas ur glad sevenadurel hag ur c'hlask war ar vodernelezh, ar c'henstrivadegoù o verkañ barr uhelañ al labour teknikel hag ar c'hrouiñ sonerezh, ar c'hlask en em zigeriñ war ar re all. Evel-just emañ mammenn sonerezh Bagad KEMPER don e hengoun Breizh, ar pezh en eus graet dezhañ bezañ kampion Breizh div wezh warn-ugent, ur rekord dibar evit ar mare. Hogen petra e vefe dazont un hengoun mar chomfe serret warnañ e-unan, ma ne vefe ket maget gant liesseurted ar re all ? A-dra-sur en eus gallet Bagad KEMPER diskouez e liesvarregezh a-dreuz ar c'hrouadennoù o deus merket e istor ha graet berzh. Azeliz Iza er bloavezh 2000, ur veaj da Su Amerika hag Europa gant Sud ar Su e 2003, da Vro-Skos gant an abadenn D'Écosse en Cornouaille e 2008, da Europa ar Reter gant Breizh Balkanik e 2009, un dro er rock 'n' roll gant Fest-Rock e 2011 a-gevret gant ar strollad Red Cardell : kement a destenioù d'al liesvarregezh-se. Ur ger-stur evit ar bagad hag e sonerien : "Hep Diskrog", unan a ya mat dezho, eta !

Radio Kerne a zo eus deus outañ abaoe 1998. Ur radio e brezhoneg penn-da-benn eo hag a vez klevet e Bro-Gerne eus dorioù an Oriant da Vrest war 90.2 MHz, 92.0 ha 97.5 MHz ha war internet dre radiokerne.bzh ha war holl arloadoù ha lec’hiennoù a vod radioioù ar bed. Ur programm evit an holl Kinnig a ra 60 eurvezh abadennoù e brezhoneg bep sizhun, evit ar re vras hag ar re vihan. Ur programm liesseurt, gant keleier, reportajoù, kronikoù, abadennoù farsus, h.a. Al lodenn vrasañ eus an abadennoù-se a vez eskemmet pe kenbroduet gant ar radioioù brezhonek all (Arvorig FM, Radio Kreiz Breizh, Radio Bro Gwened). Brudet eo he frogramm sonerezh a lak war wel arzourien ar vro hag a chom digor war ar bed a-bezh. Un dibab sonerezh a live gant ar radioioù modernañ hag a sach kalzig a selaouerien davidomp, brezhonegerien pe get.

Fest ha fent war al leurenn e leizh ! Ur skeudenn a blijadur, gant ur sonerezh disheñvel eus ar pezh a vezer boaz da glevet... disoc’h ul labour sirius ha tenn kaset da benn gant kalz startijenn hag imor vat.

Ar gevredigezh KEAV a aoz ur staj brezhoneg div sizhun bep bloaz e-kerzh an hañv, evit reiñ tro d'an dud a oar brezhoneg da zonaat o anaoudegezh eus ar yezh, evit ar re a zo o teskiñ da vont war-raok hag evit an holl an tu da vevañ en hon yezh penn-da-benn. Aozañ a ra ivez ur staj stummañ da vare an Ened, ul lodenn a vez gouestlet d'ar yezh (geriaoueg, distagadur pouez-mouezh pe yezhadur) unan all troet war ar mod da gelenn. Nevez zo e vez aozet gant KEAV dibennoù-sizhun evit ar familhoù a fell dezhe lakaat ar brezhoneg da yezh pemdeiz, en diskar-amzer hag en nevez amzer e vez aozet ar stajoù-se.

Ar gevredigezh KEAV a aoz ur staj brezhoneg div sizhun bep bloaz e-kerzh an hañv, evit reiñ tro d'an dud a oar brezhoneg da zonaat o anaoudegezh eus ar yezh, evit ar re a zo o teskiñ da vont war-raok hag evit an holl an tu da vevañ en hon yezh penn-da-benn. Aozañ a ra ivez ur staj stummañ da vare an Ened, ul lodenn a vez gouestlet d'ar yezh (geriaoueg, distagadur pouez-mouezh pe yezhadur) unan all troet war ar mod da gelenn. Nevez zo e vez aozet gant KEAV dibennoù-sizhun evit ar familhoù a fell dezhe lakaat ar brezhoneg da yezh pemdeiz, en diskar-amzer hag en nevez amzer e vez aozet ar stajoù-se.

Prenet eo bet ar c'hilometr gant stajidi stumadurioù hir Mervent. Kroget eo bet gant lod e miz Gwengolo 2021 ha gant lod all e miz Genver 2022.

Abaoe ouzhpenn 20 vloaz e vez harpet ar brezhoneg gant Kuzul -departamant Penn-ar-Bed. Frammet eo bet ar politikerezh yezh e 2016, dre ur brastres liesvloazhiek bet votet a unvouezh gant ar c’huzulierien hag ar guzulierezed. Kelenn ar yezh d’ar vugale ha d’an dud deuet, treuzkas ar yezh dre emgavioù etre ar rummadoù oad, bevañ e brezhoneg dre sikour an Tiez ar Vro, ar radioioù e brezhoneg, ar c’hampoù vakañsoù evit ar vugale, lakaat war-wel ar yezh war ar pannelloù hent hag ar skolajoù… Gant ouzhpenn evit 2.2 million euro bep bloaz e vez roet bec’h d’ar yezh e Penn-ar-Bed !

Abaoe ouzhpenn 20 vloaz e vez harpet ar brezhoneg gant Kuzul -departamant Penn-ar-Bed. Frammet eo bet ar politikerezh yezh e 2016, dre ur brastres liesvloazhiek bet votet a unvouezh gant ar c’huzulierien hag ar guzulierezed. Kelenn ar yezh d’ar vugale ha d’an dud deuet, treuzkas ar yezh dre emgavioù etre ar rummadoù oad, bevañ e brezhoneg dre sikour an Tiez ar Vro, ar radioioù e brezhoneg, ar c’hampoù vakañsoù evit ar vugale, lakaat war-wel ar yezh war ar pannelloù hent hag ar skolajoù… Gant ouzhpenn evit 2.2 million euro bep bloaz e vez roet bec’h d’ar yezh e Penn-ar-Bed !

Abaoe ouzhpenn 20 vloaz e vez harpet ar brezhoneg gant Kuzul -departamant Penn-ar-Bed. Frammet eo bet ar politikerezh yezh e 2016, dre ur brastres liesvloazhiek bet votet a unvouezh gant ar c’huzulierien hag ar guzulierezed. Kelenn ar yezh d’ar vugale ha d’an dud deuet, treuzkas ar yezh dre emgavioù etre ar rummadoù oad, bevañ e brezhoneg dre sikour an Tiez ar Vro, ar radioioù e brezhoneg, ar c’hampoù vakañsoù evit ar vugale, lakaat war-wel ar yezh war ar pannelloù hent hag ar skolajoù… Gant ouzhpenn evit 2.2 million euro bep bloaz e vez roet bec’h d’ar yezh e Penn-ar-Bed !

KELENN, Ensavadur Meur a Stummadur Pedagogel - Daou stummadur war al lec'h a vez kinniget gant KELENN, ar stummadur hir e brezhoneg war 9 miz hag ar Master MEEF-EBI (kelenn divyezhek dre soubidigezh). Aozet e vez ivez gant KELENN ar stummadur kentañ evit an eil derez hag ar stummadurioù dibaouez evit skolaerien, kelennerien ha gopridi skolioù Diwan : - STUMMADUR DIBAR « DESKIÑ BREZHONEG EVIT MICHERIOÙ AR C’HELENN EN HOLL SKOLIOÙ DIVYEZHEK » : Ar stummadur-se zo evit ar re a zo e-soñj da vont war micherioù ar c’helenn er skolioù divyezhek brezhoneg-galleg, kentañ derez hag eil derez, ha n'eo ket uhel a-walc’h o live brezhoneg hag ivez d’an deraouidi. Ur plas bras a vez roet d’an deskiñ brezhoneg hag ivez d’ar c’helenn danvezioù-skol e brezhoneg. 5 sizhuvezh staj er skol. Padout a ra 9 miz. (eus miz Gwengolo betek miz Mae). Profil c’hoantaet : den c’hoant gantañ labourat en ur skol divyezhek war micher pe vicher. Live brezhoneg : deraouat pe re izel diouzh ar vicher vizet. - MASTER MEEF-EBI : stummadur diazez skolaerien kentañ derez Diwan eo, 3 lodenn bennañ oc'h ober anezhañ, unan da wellaat ar brezhoneg, unan da gaout diazezoù micher hag an trede da bleustriñ dre stajoù e klasoù Diwan. Diazezet eo war maketenn ar Master-MEEF divyezhek kinniget gant skolioù-meur hag INSPE Breizh. Profil c’hoantaet : Aotreegezh + brezhoneg komzet ha skivet. b/ Stummadurioù all a vez kinniget e skolioù, skolajoù, liseoù Diwan hag e Kelenn : - STUMMADUR KELENNERIEN HA KASOURIEN NEVEZ EN EIL DEREZ DIWAN : Kelennerien nevez an eil derez, war bost en unan eus ar 6 skolaj pe an 2 lise Diwan o devez da heuliañ stummadurioù (15 devezh bennak) gant Diwan ha da dapout modulennoù (didaktelezh, gweladennoù er c’hlas gant un heñcher.ez, kuzulier.ez, live brezhoneg hag ul labour klaskerezh) evit bezañ anavezet gant Eil Derez Diwan. Evit tapout ar vodulenn vrezhoneg goulennet e vez kinniget stajoù hag ur stummadur war ar brezhoneg diouzh live an dud. Kasourien : Un nebeud devezhioù stummadur a vez kinniget d’ar gasourien nevez ivez. Profil c’hoantaet : Kelennerien ganto ur Master 2 war an danvez a gelennint. C’hoant ganto da labourat gant krennarded. Kasourien - brezhonegerien, ganto ar c’hoant da labourat gant krennarded en diavaez eus an eurvezhioù kelenn, war an deiz, diouzh noz. - STUMMADUR DIBAOUEZ SKOLAERIEN HA KELENNERIEN KENTAÑ HAG EIL DEREZ DIWAN: Stummadurioù a bep seurt a vez kinniget evit sikour skolaerien-kelennerien Diwan da bleustriñ ha da vont war-raok diouzh emdroadur o micher.