Bak e Brezhoneg a zo ur gevredigezh o stourm evit ar gwir tremen an arnodennoù bachelouriezh e brezhoneg.

Coop Breizh a zo un ti embann levrioù, produiñ sonerezh, skignañ ha dasparzhañ produoù embannerien ha produerien Breizh a-bezh. Lidet he deus an embregerezh he 60 bloaz e 2017. Staliet eo e Speied. Daou levrdi Coop Breizh a zo ivez : unan en Oriant (aboae 20 vloaz) hag unan all e Kemper.

notenn deknikel: an hini bet prennet gantañ ar c'hilometrad-mañ ne vo ket war an dachenn evit redek. E koun Paul FORLAY, anavezet mat e bro C'hourin hag aet da anaon e dilost 2020. Bez e oa eñ, kredapl braz, an hini diwezhat bet o labourat e -pad ur prantad, da heul an eil brezel bed, e maen-gleuz bro C'hourin (Gernanig), e kreiz menezioù du. Bet e oa bet ivez o trivroañ e Stadoù-Unanet (New-York) e-pad un dek bloavezh bennaket, a-raok distreiñ d'ar vro. Hag, a-benn ar fin, liammet e oa bet ouzh kevredigezh kastell Tronjoli. Dornet mat e oa eñ hag ur micherour ampart war ar c'hoad.

Kalvez, koedajoù mod-kozh, tiez-koed, plancheriz, pondalez-diavaez...

GBB - Gouel Broadel ar Brezhoneg a vo lidet d'an 2-3-4 a viz Gouere 2021 e Langoned. Deuit da redek ganeomp 50vet km Ar Redadeg a-raok ar gouel !

Au village de Restalgon au Faouët, cela fait maintenant 15 ans que Gwendal et Anna Weber se sont installés, et bientôt 20 ans qu’ils ont ouvert leur atelier de boulangerie "Le Pain de la semaine". Tous les pains sont biologiques, au pur levain naturel, pesés, boulés et façonnés à la main, cuits au bois. La large gamme de pains (blanc, semi-complet, complet, seigle, engrain et multiples graines…) est commercialisée en vente directe, sur place et sur les marchés. Pour Gwendal et Anna WEBER, depuis tout ce temps, c’est le contact avec les consommateurs qui est essentiel : leurs impressions, leur ressenti vis-à-vis du travail accompli permettent au boulanger (Gwendal travaille seul depuis le début) de poursuivre leurs objectifs constants de recherche qualitative. Mais au Pain de la semaine, on pense aussi à l'avenir et à la transmission des techniques... et du levain perpétuel ! Réflexion et contacts sont en cours pour prolonger l'activité et pérenniser les savoir-faire.

Kuzulier arbennikaet diwar-benn al legumajerezh, labourat a ran evel stummer hag evit skoazellañ an diorren eus embregerezhioù labour-douar.

Boaz e vez prenet ganeomp, feminist·ez·ed eus Penn-ar-Bed, ar c'hilometrad 69 evit ar Redadeg, ha redek a reomp bewech o lakaat war wel un tem disheñvel, evel plijadur seksel ar maouezed pe tabou an amzerioù. Siwazh ne c'hallimp ket redek fenoz gant ar c'heulfe! An taol mañ e fell deomp sachañ ho evezh war un dizingalded groñs zo e Breizh hag e Frañs. Hiziv, ne c'hell ket div vamm ober un HSE (hiliadur skoazellet ent-medisinel = PMA) evit kaout ur bugel. Nag un den treuz, nag ur vaouez hec'h unan (digoublad). Hiziv, an eil mamm en ur c'houblad heñvelreizh a c'hell bezañ anavezet evel ur vamm diouzh diviz ur barner hepken : hir ha koustus-mat eo. Hiziv, ur bern tud e Breizh ne c'hellont ket sevel familhoù abalamour ma vank ul lezenn. O c'hortoz emaint abaoe bloavezhioù. Prometet eo bet div wech dija gant Hollande ha Macron, e vefe aotreet an HSE evit an holl pa oant o kabaliñ. Bep taol e vez lezet ar raktres a-gostez evit abegoù toull : "mallusoc'h zo". Met tud a zo o c'hortoz e vefe votet al lezenn, evit abegoù frouezhusted, ha se ne c'hell ket gortoz ! E keit-se e kresk an tagadennoù homofob er spas foran. Kunujennet e vez ar vugale ganet dre HSE, "babig deliveroo" pe c'hoazh "babig OKG" a vez graet anezho, gant ar vezh ! O chom hep lezenniñ an HSE e vag gouarnamant Frañs an dismegañs hag al lezbofobiezh : mallus eo lezenniñ ar buanañ posubl ! Lañset eo bet ar chanter met ouzhpenn lakaat a-gostez an dud treuzjener hag ar maouezed digouplad e nac'h ivez an raktres-lezenn e vefe kemeret e karg frejoù an HSE gant ar surentez sokial evit ar c'houpladoù merc'hed. E miz C'hwevrer paset eo bet pelloc'h c'hoazh ar Sened : skarzhet en deus eus ar raktres-lezenn ar c'houpladoù maouezed ivez. Hervez hon dilennad·ezed·idi e vefe neuze un doare hekpen da sevel ur familh : gwirioù a vez roet d'ar maouezed, gant ma z'int a-goublad gant ur gwaz ! Goulenn a reomp : - an HSE evit an holl dud en oad da hiliañ (procréer), hep droukziforc'h. - e vefe anavezet an eil mamm dirak al lezenn a-raok ma vefe lañset an HSE, evel ma vez graet gant ar c'houpladoù hetero. - E vefe restaolet an HSE. Keodedourezed hag a bae o zailhoù eo al lezbianezed, an dud treuz hag ar maouezed digouplad, kement hag ar c'houpladoù hetero.

LA PASSEM!

Radio Kreiz Breizh zo ur radio teiryezhek (brezhoneg, galleg, saozneg). E 1983 e oa bet savet, da heul avañtur ar journal komzet « Kazetenn ar vro Plin ». Emañ ti RKB e bourk Sant-Nigouden. Milieroù a eurioù zo bet enrollet ha skignet e brezhoneg hag e galleg abaoe krouidigezh ar radio. Honnezh zo ur skeudenn deus tud ar vro. Reiñ a ra da glevet 35 bloaz zo soñjoù disheñvel ha brezhonegoù lies. Hudu e talc’h ar radio da vont war-raok, soutenet gant kalzik parrezioù deus Kreiz Breizh ha Treger, ha gant ur vandennad tud a-volontez vat !

Brudañ ha diorren ar brezhoneg war holl dachennoù implij ur yezh er gevredigezh

Kilometr kant pemp ha hanter-kant galoupet gant Sylvain Botrel hag un tamm war-lerc’h, a-raog echuiñ tre, e vo gwelet Marie-Hélène Morvan, o-daou e penn Strollad Kallag. Kazimant 30 vloaz zo e oa bet savet Strollad Kallag. Pezhioù-c’hoari brezhoneg penn-da-benn a beb sort zo bet c’hoariet pe skrivet gante, koulz evid ar re vraz hag ar re vihan (evel an abadennoù gant margodennoù). Bet int o foetañ bro e Breizh a-bezh, ha memes beteg Pariz, evid c’hoari un ugent pezh bennaket, hir pe verr. Abalamour d’ar maread kougnata (koñfinamant kwa !), ha da gloc’h an noz, zo ranket nullañ un toullad abadennoù (ur 15 bennaket)… Evel-just emaint o c’hortoz ma vo addigoret ar salioù hag ar skolioù an abretañ ar gwellañ. Da c’hortoz adkregiñ ganti n’eo ket chomet alvaonet ar strollad. Un abadenn nevez zo prest, gant- margodennoù evid ar vugale, ur wech c’hoazh. C’hoariet e vo hepdale mechañs… Gortoz pell, gortoz gwell… Gant startijenn ha nerzh kalon evid ar brezhoneg !

Ti ar C'hoadoù ! Ti Natur Departamant en Aodoù-an-Arvor, zo ur greizenn buheziñ en-dro d’an natur, ar glad ha lojañ strolladoù! En ti 'vez degemeret skolioù war meur a devezhioù pe evit un devezh, kampoù vakañsoù a zo aoset, stajoù, diskouezadegoù, baleadennoù natur kinniget.... Peadra da zeskiñ o kaout plijadur , o gwelladeniñ ar vro hag ar c'hoadoù tro dro! (Koat an Noz ha Koat ar Markiz (uhellañ koat Breizh 322 m ))

Bevet 'n eus Tintin Maï 'pad pell en Dresnae. Ganet e Plougonver e 1903, deuet eo da vevañ en Dresnae gant he c'hoar Augustine, ha marvet eo e 1988. Ur vrezhonegerez a-feson a oa. Lakaat a rae he c'hoef, hag he dilhad du. Mont a rae bep bloaz war droad da bardon Bulad (30 km mont ha dont memestra!). Redek na rae ket, met sur on e vefe bet plijet o welout ar Redadeg o tremen dirak he zi, gant brezhonegerien yaouank pe yaouank-tre. Saludiñ a reomp ivez Yann-Bêr (eus RKb) ha Denise.

Gwerzhañ gwin a vez graet gant GM Distribution. Kinniget e vez ganto da skouer ar "Breizhcadet" produet gant ar gwiniegour Cheneau e Maodilon

Brezhoneg yezh an dazont !

Truk Truk?! Petra eo an anv drol-se? Prenet eo bet ar c'hilometrad-mañ muioc'h d' ur bloaz 'zo, pa ne oa ket ganet c'hoazh Truk Truk! Amañ emañ hiziv ganeomp, Riwal Kloareg An Dreo gant e div vamm hag e dintin Gaga.

Brudañ ha diorren ar brezhoneg war holl dachennoù implij ur yezh er gevredigezh

Ur strollad sonerezh hag ur strollad mignoned hini eo Dans'Meize. Sonnet 'vez tonioù eus breizh uhel dreist-holl ha tro-dro Roazhon gant ur pemp lampon bennak ... pa 'dez amzer d'en em gavout.

Genidik eus Bro-Dreger, tremenet em eus ma bugaleaj e Lannuon. Unan ha tri-ugent on. Emaon o chom e Naoned bremañ. Dedennet-tre gant an troidigezhioù evit ar vugale (Gavrig an Aotrou Seguin, Hans ar Penn Pout, Tasmant Canterville).

Le km 224 sera couru par Stéphanie Dussart alias Mouche artiste ferronière d'art demeurant à Trégrom.

Pal Kuzul ar Brezhoneg zo lakaat an obererezhioù da glotañ, kenlodennañ al labour, kas war-raok, strollañ ha kreñvaat ar re a labour e brezhoneg er bed sevenadurel. Kuzul ar Brezhoneg a stroll hag a vod abaoe 1952 kevredigezhioù a ya en-dro e brezhoneg war dachennoù liesseurt: an embann, ar c'helaouennoù, ar yezh, an darempredoù etrekeltiek hag etrevroadel. Ul lec'h hag ur skoazell eo d'ar c'hevredigezhioù n'o deus den gopret ebet evit kas da benn, aesaat ha micherelaat o labour. Kas a ra war-raok ul labour sevenadurel e brezhoneg en diavaez da gement strollad politikel. Digor eo ivez Kuzul ar Brezhoneg d'ar c'hevredigezhioù diavaez ha d'an hiniennoù.

Loeiz, bigouter anezhañ a zo ur brezhoneger eus a re wellañ hag un den a skoazell ar Redadeg ingal, bewech e vez prenet gantañ 10 km evit ar brezhoneg. Trugarez vras dezhañ , o redek a greiz kalon evitañ !

Ti ar Vro Treger-Goueloù a labour, abaoe ugent vloaz bremañ, evit diorren ha brudañ ar yezh hag ar sevenadur dre ar vro. Hor c’hevredad, pe « Emglev bro » zo anavezet en deiz a hirie evit e startijenn, e nerzh, e siriusted hag e varregezh kinnig. Ti sevenadur Breizh Treger-Goueloù a stroll 35 kevredigezh hag ouzhpenn 350 ezel. A vloaz da vloaz eo deuet da vezañ ur gevredigezh a-bouez war dachenn ar sevenadur e Treger-Goueloù a-drugarez d’he lusk ha d’he startijenn.

Div Yezh Skol Bro Vear a labour evit kas ar brezhoneg war-raok er skolioù publik e Bro Bear.

E Koadaskorn e redimp evit ar c'hm 252, 3 reder a vo evit ar familh JOUBIN, Morwenna gant he mignon Beni, o daou o chom en Alamagn abaoe un toullad bloavezhioù, hag he breur Maelan, distro d'ar vro goude bezañ bet kaset daou vloaz en Andalucia O daou a zo bet skoliaet e Diwan

Amañ e Koataskorn o deus labouret tud eus ma familh, pell 'zo. Miret o deus an douar ha gounezet anezhañ en e emell. Spi 'meus e vo gounezet c'hoazh a galon gant an dud a-vremañ. Hag e vo gounezet hon yezhoù, a brof deomp e binvidigezh.

Ar re-se a glev mouez ar vein hag a intent mad-tre pez a lavaront etrezo. Hervez kont, n'eo ket eur vicher med eur c'hlenved!

AN NAER PRODUKSION a zo un embanner pladennoù eus Bro-Dreger. Plij a ra d'ar stal pouezañ war ar sonerezh met ivez war livioù, feurm, skeudennoù ar bladenn. N'eo ket diaes da kavout anezho e-touesk ho fladennoù. Gwelet e vez sonerezh hengounel met ivez sonerezh hengounel avremañ pe gant spered hon sevenadur. Ur sonerezh a-vremañ, don, hardiz, fromus ; pladennoù evel gwir levrioù, plijadur d'an daoulagad kenloulz ha d'an divskouarn ; krouidigezh an deiz a-hirie en Breizh, digor ha dieud, liesseurt ha lemm : setu pez a vez kinniget deoc'h gant An Naer Produksion. Un istor a c'hoant hag al lañs, heuliet a-dost gant ar c'hritik ha gant selaouerien eus ar bed a-bezh.