TI AR SONERIEN a zo ispisialised abaoe 1997 e-barzh ar gwerzhañ binvioù sonerezh hengounel : binioù braz ha taboulin skosad, bodhrán ha whisltes iwerzhonad, bombard ha binioù kozh… Ar stal a ginnig ivez milieroù a oberoù : pladennoù muzik keltiek (Breizh, Bro-Skos hag Iwerzhon), skridoù-muzik, lennegezh rannvroel, wiski…

A Vreizh d'an Iwerzhon ; ag an Iwerzhon da Vreizh, redamp, redamp evit difenn ar brezhoneg hag ar gouezeleg !!

SKED — Ti ar brezhoneg ha sevenadur Breizh

Evit deskiñ ar brezhoneg gant plijadur, « pour apprendre le breton avec plaisir » Bet krouet e 2000, ar gevredigezh Mammenn a ginnig deoc’h kentelioù brezhoneg, bep yaou noz nemet ar vakañsoù-skol e kreizenn Startijin Pañvrit-ar-Beskont. Tri live zo er bloaz-mañ, deus an deraouidi betek ar re barrekoc’h gant Sofi Perrot. Digor eo d’an holl a zo tomm o c’halon ouzh ar brezhoneg. Ur gelennerez a-vicher a zo e karg eus ar c’hentelioù, hervez an hentenn Oulpan peurliesañ. Ar gomz, al lenn hag ar skriv zo studïet ha lakaet e bleustr, ha tamm ha tamm vez graet e bragoù da Yann. Un abadenn bennak a vez aozet bep bloaz evit tud deus ar vro ouzhpenn ar c’hentelioù: ur pezh-c’hoari, pe ur veilhadeg. Kentelioù noz a zo kinnig deoc'h e Kreizenn Startijin e Pañvrid-ar-Beskont

Digor d'an holl eo skol Sonam, bugale ha tud daet, paot ne vern o live barregezh, digor eo d’an deraouidi-groñs, kerkoulz evel d’ar sonerion a garhe gwellaat o live.

An daou strollad stajidi Kelenn a gemer perzh : - strollad « DESKIÑ BREZHONEG EVIT MICHERIOÙ AR C’HELENN EN HOLL SKOLIOÙ DIVYEZHEK » - Strollad Master MEEF-EBI Bloavezh 1añ hag eil bloavezh

KELENN, Ensavadur Meur a Stummadur Pedagogel - Daou stummadur war al lec'h a vez kinniget gant KELENN, ar stummadur hir e brezhoneg war 9 miz hag ar Master MEEF-EBI (kelenn divyezhek dre soubidigezh). Aozet e vez ivez gant KELENN ar stummadur kentañ evit an eil derez hag ar stummadurioù dibaouez evit skolaerien, kelennerien ha gopridi skolioù Diwan : - STUMMADUR DIBAR « DESKIÑ BREZHONEG EVIT MICHERIOÙ AR C’HELENN EN HOLL SKOLIOÙ DIVYEZHEK » : Ar stummadur-se zo evit ar re a zo e-soñj da vont war micherioù ar c’helenn er skolioù divyezhek brezhoneg-galleg, kentañ derez hag eil derez, ha n'eo ket uhel a-walc’h o live brezhoneg hag ivez d’an deraouidi. Ur plas bras a vez roet d’an deskiñ brezhoneg hag ivez d’ar c’helenn danvezioù-skol e brezhoneg. 5 sizhuvezh staj er skol. Padout a ra 9 miz. (eus miz Gwengolo betek miz Mae). Profil c’hoantaet : den c’hoant gantañ labourat en ur skol divyezhek war micher pe vicher. Live brezhoneg : deraouat pe re izel diouzh ar vicher vizet. - MASTER MEEF-EBI : stummadur diazez skolaerien kentañ derez Diwan eo, 3 lodenn bennañ oc'h ober anezhañ, unan da wellaat ar brezhoneg, unan da gaout diazezoù micher hag an trede da bleustriñ dre stajoù e klasoù Diwan. Diazezet eo war maketenn ar Master-MEEF divyezhek kinniget gant skolioù-meur hag INSPE Breizh. Profil c’hoantaet : Aotreegezh + brezhoneg komzet ha skivet. b/ Stummadurioù all a vez kinniget e skolioù, skolajoù, liseoù Diwan hag e Kelenn : - STUMMADUR KELENNERIEN HA KASOURIEN NEVEZ EN EIL DEREZ DIWAN : Kelennerien nevez an eil derez, war bost en unan eus ar 6 skolaj pe an 2 lise Diwan o devez da heuliañ stummadurioù (15 devezh bennak) gant Diwan ha da dapout modulennoù (didaktelezh, gweladennoù er c’hlas gant un heñcher.ez, kuzulier.ez, live brezhoneg hag ul labour klaskerezh) evit bezañ anavezet gant Eil Derez Diwan. Evit tapout ar vodulenn vrezhoneg goulennet e vez kinniget stajoù hag ur stummadur war ar brezhoneg diouzh live an dud. Kasourien : Un nebeud devezhioù stummadur a vez kinniget d’ar gasourien nevez ivez. Profil c’hoantaet : Kelennerien ganto ur Master 2 war an danvez a gelennint. C’hoant ganto da labourat gant krennarded. Kasourien - brezhonegerien, ganto ar c’hoant da labourat gant krennarded en diavaez eus an eurvezhioù kelenn, war an deiz, diouzh noz. - STUMMADUR DIBAOUEZ SKOLAERIEN HA KELENNERIEN KENTAÑ HAG EIL DEREZ DIWAN: Stummadurioù a bep seurt a vez kinniget evit sikour skolaerien-kelennerien Diwan da bleustriñ ha da vont war-raok diouzh emdroadur o micher.

Silvi ha Joel Donarzh, o chom e Plourivoù abaoe pemp bloaz warn-ugent, difennerien ar brezhoneg, brezhonegerien... Skolaer e Diwan e oa Joel, arzourez eo Silvi, ha koñsailherez e kumun Plourivoù. Ar c'hilometr 1952 a dremen nebell eus gwenodenn louzaouennoù Pont Min, skritellet warni anvioù ar plantoù e brezhoneg ivez !... Laret a ra Silvi mersi bras da Véronique Potin-Beaulieu, hag a red en he flas !...

Essyllt, Sterenn hag Aziliz & familh

Caroline, Enora, Katel, Klervi, Liza, Marina, Oona, Sterenn, Tualenn ha Yuna, ouzhpenn 10 vloaz a vignoniezh a-drugarez da Ziwan ha d'ar brezhoneg ! O redek : Sterenn, Tualenn, Liza, Oona hag Enora

Braslabourioù - Adparamantiñ - Difuiñ termek diavaez

Braslabourioù - Adparamantiñ - Difuiñ termek diavaez

Mouezh Bro Konk zo ul lazh kana a gan med kanaouennou bré’oneg ba Konk Kerné ha kaset àr raok ga Didier Dréo Klask àrlec’h tud ‘maomp, paotred ha meried a téfè da gano gamomp

Bagad Saozon Sevigneg 'zo ur bodad sonerezh gant ur bagad, ur bagadig hag ur skol-seniñ, 150 ezel etre tout. Krouet e 1988 gant Bob Guernigou, er c'hentañ rummad diwar pemp emañ ar bagad abaoe miz eost 2017. Evit chom bev ha kendalc'h d'en em diorreiñ e labour kalz ar bagad war ar stummadur hag ar bruderezh evit ar skol-sonerezh. 70 desker 'zo o heuliañ ur stummadur gant sonerien ha taboulinerien ar bagad, pe gant animatourien paeet gant Sonerion. Bep bloaz e teu lod eus an deskerien-se da greskiñ ar bagad, gant o startijenn hag o yaouankiz. Strivoù a bouez vez graet gant bagad Saozon Sevigneg 'vit kinnig abadennoù a galite ha kaout brud mat, 'vit bezañ anavezet 'vel ur gevredigezh sevenadurel a-bouez e bro Roazhon. Daoust da vezañ staget da vat ouzh an hengoun eo plijet ar bagad d'en em zigor war sonerezhioù ar bed, 'n ul labourat gant arzourien o tont deus pell. Setu penaos eo bet krouet an abadennoù « Afro Breizh » ha « Cuba y Breizh » pe c'hoazh « No Land » gant ar c'hompozer Olivier Mellano hag ar c'haner Brendan Perry eus Dead Can Dance. Nebeut 'zo, eo bet pedet ar strollad gant Laurent Voulzy e abati Menez Sant Mikael ha gant Carlos Nuñez evit un abadenn er Puy du Fou. D'ar 5 a viz meurzh e vo gant Dan Ar Braz e vo klevet ar bagad evit un abadenn e Betton 'kichen Roazhon.

Gant ar Redadeg, mont a ra Askorn Medical betek an trec'h ! War yec'hed an dud evel war hini ar brezhoneg ! An holl asambles evit hor Bro, hor Yezh hag hor Frankiz.

Kreizenn stummañ yezh ar sinoù

Kreizenn stummañ yezh ar sinoù

Kreizenn stummañ yezh ar sinoù

Kreizenn stummañ yezh ar sinoù

Skolarn, kuzul skoazell skolaj Diwan ar Releg

Saloñs Ar Valeerien 'zo ur saloñs kinniget, aozet gant gerent skolajidi Skolaj Diwan ar Releg-Kerhuon. Ar Saloñs se a vez kinniget deoc'h bep bloavezh e sal an Astrolab.

Diorren hag embann sevenadurioù Breizh

Diorren hag embann sevenadurioù Breizh

Truk Truk?! Petra eo an anv drol-se? Prenet eo bet ar c'hilometrad-mañ muioc'h d' ur bloaz 'zo, pa ne oa ket ganet c'hoazh Truk Truk! Amañ emañ hiziv ganeomp, Riwal Kloareg An Dreo gant e div vamm hag e dintin Gaga.

Ar chadenn tele nemeti e brezhoneg penn-da-benn ! Programmoù 'vit an holl, bras ha bihan, a-hed ar bloaz.

Kreizenn stummañ evit an dud deuet

Kreizenn stummañ evit an dud deuet

Abaoe 2003 (daou vil tri) emañ ar webmedia ABP (Agence Bretagne Presse / Ajañs Breizh Keloù) o skignañ keloù diwar-benn Breizh. Dre he c'hevrenn e brezhoneg he kemer perzh e diorren ar yezh war dachennad an nevezenti. Ar pedervet gwech eo ma kemero perzh er Redadeg he fenn-rener ha diazezer, Philippe Argouarc'h ec'h añv, dezhañ 72 (daouzek ha tri-ugent) vloaz. Evit poent, emañ-eñ o teskiñ brezhoneg dre ar gevredigezh Mervent.

Ti ar C'hoadoù ! Ti Natur Departamant en Aodoù-an-Arvor, zo ur greizenn buheziñ en-dro d’an natur, ar glad ha lojañ strolladoù! En ti 'vez degemeret skolioù war meur a devezhioù pe evit un devezh, kampoù vakañsoù a zo aoset, stajoù, diskouezadegoù, baleadennoù natur kinniget.... Peadra da zeskiñ o kaout plijadur , o gwelladeniñ ar vro hag ar c'hoadoù tro dro! (Koat an Noz ha Koat ar Markiz (uhellañ koat Breizh 322 m ))

Kemer a ra perzh kumun Loperc'hed er Redadeg abaoe 2010. 40% eus ar skolidi e Loperc'hed a heul an hentad divyezhek.

Amezegezed Douarnenez (Les Voisines), a zo ur strollad 17 kanerez deus Douarnenez, a gan evit ar blijadur kanaouennoù liesseurt e meur a yezh deus ar bed.

AN NAER PRODUKSION a zo un embanner pladennoù eus Bro-Dreger. Plij a ra d'ar stal pouezañ war ar sonerezh met ivez war livioù, feurm, skeudennoù ar bladenn. N'eo ket diaes da kavout anezho e-touesk ho fladennoù. Gwelet e vez sonerezh hengounel met ivez sonerezh hengounel avremañ pe gant spered hon sevenadur. Ur sonerezh a-vremañ, don, hardiz, fromus ; pladennoù evel gwir levrioù, plijadur d'an daoulagad kenloulz ha d'an divskouarn ; krouidigezh an deiz a-hirie en Breizh, digor ha dieud, liesseurt ha lemm : setu pez a vez kinniget deoc'h gant An Naer Produksion. Un istor a c'hoant hag al lañs, heuliet a-dost gant ar c'hritik ha gant selaouerien eus ar bed a-bezh.

Kevredigezh evit kas war-raok Sevenadur Breizh hag ar Brezhoneg e kumun Plougastell.