Brezhoneg ha Plijadur !

Brezhoneg ha Plijadur !

Degemer al lec’hienn > br > Keleier > Kanaouenn 2020 : Galv

Kanaouenn 2020 : Galv

Merc’her 27 a viz Meurzh 2019

JPEG - 965.1 ke

Piv a savo kanaouenn ofisiel 2020 ?

Kemerit perzh gant ho mignoned, ho strollad sonerezh pe ho klasad o krouiñ ur ganaouenn leun a startijenn evit reiñ youl d’ar rederien !

- Deiziataer :
22/09/19 : distro ar c’hinnigoù (pozioù + maketenn kempenn)
27/09/19 : rakdibab ar c’huzul-merañ (an holl ganaouennoù a glot gant kaier ar c’hargoù)
30/09/19 : lakaat ar c’hinnigoù enlinenn,
01/10/19 : lañsañ ar votadeg foran dre Internet
15/10/19 : fin ar votadeg
16/10/19 : embann an disoc’hoù

- Piv a c’hello votiñ ?
Votadeg foran a vo aozet evit choaz, digor d’an holl. Ur vouezh dre chomlec’h IP

- Kaier ar c’hargoù :

Tem : Deus ‘ta Mignon !
"Fromus", "un nozvezh digredus", "c’hoant ’m eus da zeskiñ brezhoneg", "startijenn"...
Pegen plijus eo santout ar birvilh a zo gant ar rederien, ha mizvezhioù war-lerc’h zoken !
Muioc’h a dud o tañva levenez ar Redadeg,
Setu ’pezh a fell deomp e 2020.
Neuze, te ha ’teus kemeret perzh er Redadegoù paseet,
Tap krog ba dorn ur mignon ha n’en deus ket graet gwech ebet.
Gwel’ a ri, ne vo ket dipitet !
10 000 reder e 2018 : 20 000 e 2020 a-drugarez dit ?

T’as des amis, des proches, qui parlent breton, mais pour toi c’est terra incognita ?
Pas de tracas, la Redadeg c’est aussi pour toi.
Alors viens courir avec tes potes, tes enfants ou ta grand-mère,
Au milieu de la nuit ou en plein jour, c’est toi qui gères,
Avec des bébés en poussette, des sportifs en goguette,
Des enfants en socquettes, des jeunes dirollet...
On te promet de la sueur, de l’émotion et des sourires à foison,
Tous ensemble pour l’avenir du breton.

Lusk : Lañsus, lusk mat evit redek, evit kanañ en ur redek. A-bouez eo e terefe evit reiñ youl d’an dud pa vezont o redek ha n’eo ket evit selaou dirak ul leurenn hepken.

Pozioù
: Menegiñ ar Redadeg er pozioù hag en diskan. Diskan aes da ganañ, efedus hag a zistro alies. Simpl da zeskiñ.

Enrolladenn : Ur vaketenn brop met pas a-vicher dre ret.

Termen : Termen diwezhañ evit kas deomp ar pozioù hag ar vaketenn a vo D’an 22 a viz Gwengolo 2019.

Mat da c’houzout :

Gwirioù
Implijet e vo ar ganaouenn ofisiel war an hent evit luskañ Redadeg 2020.
Ar ganaouenn a c’hallo bezañ implijet gant pep hini evit brudañ ar Redadeg e-barzh filmoù, gouelioù a bep seurt... Ur c’hlip a vo graet gant ar ganaouenn, implijet e vo evit brudañ ar Redadeg, pe evit traoù all evel “Flashoù mob” gant ar RE yaouank…
Kaset e vo d’ar skolioù evit lakaat bugale a bep seurt liveoù (skol-vamm, skol kentañ derez, skolaj, lise) da zeskiñ anezhi gant plijadur.
Gallout a raio bezañ implijet ivez ganeoc’h ma vez enrollet ur bladenn pe war ul leurenn.

Frejoù
Ne vo ket paeet ar grouidigezh met gallout a raio ar Redadeg difrejañ ar c’houstoù liammet gant ar ganaouenn dibabet. Da skouer : feurmiñ studio enrollañ, frejoù hent, goproù-arzour… (ret e vo kaout fakturennoù, deuit davedomp evit gouzout muioc’h).
Diwall : ne vo ket restaolet frejoù ar c’hanaouennoù ha na vefont ket bet dibabet.

Sonadegoù
Pedet e vo ar strollad da ganañ ar ganaouenn ofisiel evit al loc’hañ e Karaez d’ar Gwener 15 a viz Mae hag evit degouezh ar Redadeg e Gwengamp d’ar Sadorn 23 a viz Mae 2020. War leurenn Yaouank 2019 e vo an abadenn war eeun kentañ («live» kentañ) d’an 23 a viz Du. Rankout a raio ar strollad mirout an deiziadoù-se evit bezañ gwelet eno.

Kanaouennoù all
Ul label ofisiel a vo d’ar ganaouenn dibabet, pezh ne viro ket ouzh tud all sevel tonioù pe sonioù all. An neb a garo a c’hello implijout ar re-se ivez e-kerzh an heuliadeg.

Goulennoù ho peus ?
Kit davet Tifenn : 06 61 06 62 15 / tifenn@ar-redadeg.bzh

teuliad kanaouenn

Evit derc’hel soñj hag evit ar blijadur

2014 : An Alambadeg, gant Alambig Elektric
2016 : Huch ’ta gant Adaozik ha skolaj Diwan Gwened
2018 : Betek an trec’h gant Penn Salsardin