17 > 25 a viz Mae 2024 / Beg ar Raz >> Montroulez

Prenañ km

Digoret eo bet ar stal evit prenañ kilometroù Redadeg disadorn (28/10) da vare Gouel al Levrioù Karaez. Roet eo bet lañs d’ar werzh asambles gant Alan Stivell.

Loc’hañ a raio ar Redadeg d’ar Gwener 17 a viz Mae eus Beg Ar Raz evit degouezhout e Montroulez d’ar Sadorn 25 goude 2222 km a-hed hentoù 5 departamant Breizh.

Un dra nevez er bloaz-mañ, ar « c’hilometroù-nij », posupl eo eta da brenañ ur c’hilometr ha da leuskel an ozerien da lakaat anezhañ lec’h o deus c’hoant hervez an ezhommoù. Met evel-just e c’hellor atav dibab ur c’hilometr resis, pa blijo an niverenn d’an dud pe c’hoazh an hini a dremen dirak an ti pe e forzh pe lec’h rouezel evit den-mañ-den.

Evel boaz abaoe 15 vloaz bremañ e vo gouestlet ar gounidoù evit un hanter da zDiwan hag evit un hanter all da raktresoù bet dibabet evit o ferzh da gas war-raok ar brezhoneg. Gant abadenn 2024 e vo tizhet ar milion a euroioù roet en-dro gant Ar Redadeg a-drugarez d’an holl brenerien ha rederien.

Prenit ho km bremañ !

Kartenn Hentad 2024
Gallout a rit pellgargañ ar bilhed prenañ km dindan ivez.
bilhed-pren-2024

Enlinenn war-eeun e c’hallit gwiriekaat, reizhañ, klokaat titouroù ho profil da c’houde.
Mod implij : merañ prenañ ho km(où)

Evit gouzout hiroc’h, e brezhoneg pe e galleg, kit e darempred ganeomp ha respont a raimp deoc’h ar buanañ posupl.