Redadeg 2018

Deiziadoù : 4-12 a viz Mae 2018 !

Ha pelec’h ‘vo al loc’hañ ? an degouezh ?

Abadenn France3 Irwazh an Taol Lagad 26/01/2017

D’ar sadorn 21 a viz Genver eo bet dalc’het an emvod gant 15 den eus skipailh ar Redadeg evit dibab lec’h loc’hañ ha lec’h degouezh Redadeg 2018.
Pep douger raktres a zo bet degemeret diouzh beure. 5 kumun a oa war ar renk : 2 evit al loc’hañ (Pempoull/Kemper) ha 3 evit an degouezh (Plougerne/Roazhon/Gwengamp).
Raktresoù sirius ha brav an holl, kinniget gant tiez-kêr (Pempoull ha Plougerne) pe diez ar vro skoazellet mat ivez gant o zi-kêr (Kemper, Roazhon, Gwengamp).
Evit daou anezho e oa an eil gwech dezho en em ginnig (Kemper/Plougerne).
Chomet eo diwezhat a-walc’h ar skipailh da labourat ha da eskemm a-hed an abardaez a-benn divizout er fin e vo : Kemper ha Plougerne

Neuze e vo Redadeg 2018 eus Kemper da Blougerne, 1800 km eus ar 4 betek an 12 a viz Mae 2018

Trugarekaat a reomp a greiz-kalon an holl re a oa war ar renk. Evit ar re n’int ket bet dibabet ar wech-mañ ez imp daveto evit aozañ un tremen deus ar re welus ha wellañ en o Bro war hentad ar Redadeg.

Bremañ eo bet dibabet al lec’hioù e c’hallor sevel an hentad... kroget e vo penn kentañ miz C’hwevrer

hag evit pep kornad e skipailhad.. e c’hallo an dud dont davedomp evit kregiñ sevel an hentad en o gorn bro...

Bec’h dezhi Redadeg 2018.