Redadeg 2026 : deskit ar c’horollerezh ofisiel !

Tostaat a ra Redadeg 2026 a gammedoù bras ! Tra ma kresk ar birvilh, e tasson ar ganaouenn ofisiel en hor pennoù dija. Ar bloaz-mañ e fell deomp mont pelloc’h : fellout a ra deomp e tañsfe Breizh a-bezh a-unan, an holl o tifretañ. Evit dougen uhel livioù hor yezh ez eus bet savet ur gorollouriezh a-ratozh-kaer evit ambroug kan an dalc’h-mañ. Ar gorollouriezh-mañ a ya d’ober penn-da-benn ger-stur ar bloaz-mañ : « Bevañ, bodañ, bezañ » (Bevañ, en em vodañ, bezañ). Ar pal? Ra c’hallo pep reder·ez, supporter·ez hag annezad·ez perc’hennañ anezhi evit krouiñ ur wagenn a energiezh a-stroll war an hentad.

Perak mont e-barzh an dañs ?
Kalz muioc’h eget ur redadeg eo ar Redadeg : ul lañs a genskoazell hag a fest eo. O teskiñ an nebeud kammedoù-mañ e teufec’h da vezañ aktour·ez tremen ar vazh-test. Soñjit e kantadoù a berzhidi·ezed oc’h ober ar memes luskadoù el loc’hañ d’an 08 a viz Mae, pe pa dremen ar c’hilometr en ho kumun... Dispar e vo an efed !
• Monedusted : Soñjet eo bet ar gorollouriezh evit bezañ desket gant an holl, eus ar re vihanañ d’ar re vrasañ.
• Gwelusted : Seul niverusoc’h e vimp o tañsal, seul greñvoc’h e vo ar gemennadenn evit ar brezhoneg.
• Laouen : Un digarez eus ar c’hentañ eo d’en em gavout etre mignoned·ezed, gant ho familh pe e-barzh ho kevredigezh evit pleustriñ asambles.

Penaos deskiñ ar pazennoù ?
N’’eo ket dav bezañ dañsour·ez a-vicher ! Meur a venveg hon eus lakaet en ho kerz evit heñchañ ac’hanoc’h :
1. An tutoriel video : – Un dielfennadenn eeun eus pep luskad gant hon emellerien·ezed.
2. Ar rouedadoù sokial : Rannit ho pleustradennoù hoc’h-unan gant an hashtag #Redadeg2026 evit broudañ ar wiaderien all !

Emgav e Lannuon evit al loc’hañ d’an 08 a viz Mae, hag a-hed ar Redadeg. Bezit prest. Kerkent ha kroget notennou kentañ ar ganaouenn ofisiel, e kontomp warnoc’h evit reiñ lañs d’al luskad. Pe e vefec’h e-kreiz ur park, e-kreiz ur gêr birvidik pe war vord un hent-aod : dañsit, redit, bevit ar brezhoneg !

Ne c’hallfe ket ar raktres-se bezañ deuet war-wel hep donezon ha startijenn ar re o deus douget anezhañ. Fellout a ra deomp trugarekaat a-zevri Gildas Sergent ha Fiona Ouez evit bezañ empentet ar gorollouriezh, Moran Salomon evit bezañ savet ar c’hlip, hag ivez an holl berzhidi·ezed o deus roet buhez d’ar skeudennoù-se gant entan.